Chal :)

pankh pehn le, phir dost udd chalen..
aur ye jo suraj hame dekh dekh jale..
muthi bhar dhul phenk denge isspar
phir bhag lenge, iske uppar se uchalkar

loot lenge budhe badal ki potli
gira denge bhagti baarish ki tokri
unghate neethale se khade pahadon ko
phook se udayange, toka unhone jo

vo chand jisse dekha abhi tak duur se
pila dunga tughe, muthi se chur ke
har tare ki gaend bana kar khelenge
aandhi ho ya bijli ho, dant kisi ki na jhelenge

patag ki dorr par tang jayenge
dolti uski chaal par, ham bhi goote khayenge
tang jo kisi awara panchi ne kiya
uski puunchh pakad kar, usse jeebh chidayenge

aaj tere liye haazir main, sab kuch bhul kar
ek baar dekh to mere sath thoda duur chal kar....